Documentos Nacionais de identidade
Documentos Nacionais de identidade
A FNMT-RCM é responsable da fabricación de documentos fundamentais na vida do cidadán que garanten a súa identidade e lle recoñecen aptitudes e dereitos. A autenticidade destes documentos e a confidencialidade dos datos é fundamental nun estado de dereito. Fabricar documentos protexidos contra a falsificación e manipulación, producidos nun ámbito seguro, coa máxima garantía e calidade, é unha das actividades características da FNMT-RCM.
Tecnoloxías de última xeración
Para evitar a falsificación, a FNMT-RCM incorpora aos documentos de identificación os máis avanzados sistemas en seguridade gráfica e lóxica: impresións en iris, tintas de efecto óptico variable, gravados láser, embosados superficiais, chip de contacto e radiofrecuencia, entre outros. De igual xeito, e co fin de impedir a manipulación fraudulenta dos datos consignados en documentos expedidos legalmente, utilízanse plásticos de seguridade que non se poden despegar sen que o documento quede inutilizado.
Os procesos de fabricación destes documentos contan coas tecnoloxías máis novidosas e os máis estritos controis de calidade e seguridade.
Todo iso asegura a ausencia de defectos nos produtos entregados ao cliente e unha garantía plena para o usuario final no tratamento de datos confidenciais.
A ampla experiencia de FNMT-RCM na implantación de documentos de identificación, permítenlle ofrecer servizos de consultoría e asesoramento para proxectos integrais de identificación.
O DNI 3.0, premiado na High Security Printing Europe Conference 2016
Na conferencia High Security Printing Europe, que tivo lugar en Bucarest o 15 de marzo de 2016, o DNI electrónico 3.0, desenvolvido polo Corpo Nacional de Policía e a FNMT-RCM, obtivo o primeiro premio "Regional ID Document of the Year 2016".
Estes premios teñen como obxectivo promover os mellores desenvolvementos na impresión de seguridade, na infraestrutura do sistema e na súa aplicación a documentos de identidade, pasaportes e outros tipos de tarxetas de seguridade.
Prema aquí para ver máis información sobre o premio (en inglés) >>
