Salas do Museo

Salas do Museu

A FNMT-RCM ofrece a Institucións e empresas a posibilidade de celebrar distintos eventos nun marco de elegancia e tradición, como é o recinto do Museo Casa da Moeda. As diferentes salas habilitadas para este tipo de actividades están perfectamente equipadas a nivel tecnolóxico e material.

Capacidade

O Museo Casa da Moeda dispón dun magnífico conxunto de salóns cos equipos máis actuais para recibir grupos desde 30 a 400 persoas. Eventos como conferencias, convencións, congresos e banquetes teñen cabida nun marco singular e moi especial, xunto ás salas de exposición permanente do propio Museo.

A FNMT-RCM pon a disposición deste tipo de eventos un total de 5 salas, que suman máis de 1.000 metros cadrados, que se axustan ás máis diversas necesidades. Todas as salas están situadas no recinto do Museo Casa da Moeda.

Acceda ás diferentes salas para eventos do Museo: Galería de imaxes

Para máis información, póñase en contacto co noso Departamento Comercial a través e-mail salas.museo@fnmt.es.

Auditorio (410 m2)

Ten capacidade para 400 asistentes (150 na súa planta baixa e 250 na superior), dotada con megafonía e sistemas de proxección audiovisual.

O acceso ao auditorio, 183 m2 na planta inferior e outros tantos na planta superior, permite habilitar espazos adicionais para múltiples usos, como por exemplo: montaxe de expositores, mesas de presentación e celebración de cócteles de benvida e pausas para o café.

Sala Goya (428 m2)

Sala de uso múltiple, con 373 m2 útiles e capacidade para 150 asistentes sentados e 300 de pé.

Especialmente axeitada para a celebración de cócteles e banquetes.

Sala Colón (90 m2)

Especialmente indicada para a celebración de banquetes, conta cun comedor preparado para recibir ata 30 comensais.

Sala de Audiovisuais (90m2)

Dotada con equipo tecnolóxico e audiovisual, esta pequena sala resulta a máis axeitada para a realización de conferencias dirixidas a un máximo de 50 persoas.

Sala de Consello (90 m2)

Sala con mobiliario nobre, especialmente reservada para reunións de alta dirección, con capacidade máxima para 30 persoas.

Dotada de medios que permiten realizar calquera tipo de presentación.

Descarga de arquivos

Catálogo - Salas para Eventos

Folleto - Salas para Eventos