Pezetatan egin zen lehen diru paperaren igorpena 1874eko uztailan izan zen. Espainiako bankuari billeteak igortzeko eman zitzaion esklusibitate eskubidearen ematearekin bateratzen da. Lehen kapitulu honen ondoren, billete kopurua izugarri handituko da herrialdearen hazkunde ekonomikoaren isla dela eta. Gerra Zibilean izan ezik, noiz urritasun arazoengatik era guztietako ordainketa formak bilatu ziren, billeteen igorpena hazkunde egonkor batean mantendu da herrialdearen ekonomiarekin bat etorririk, espainiarren eguneroko bizitzako parte izanik, identitate nazionalaren ezaugarri bezala.

DZFN-MEE-k izan zuen lehen igorpena 1940eko urriak 21an gertatu zen. Ordu arte, Espainiako Bankuko tailerrak eta britainiar, amerikar eta alemaniar enpresa desberdinek izan ziren diru paperaren ekoizpenaren arduradun.

1941. urtetik, DZFN-MEE-k bakarrik izan du espainiar diru paperaren ekoizpen prozesuaren  ardura. 2002ko urtarriletik aurrera, etorkizuna beste entitate batzuekin eduki beharreko lankidetza estuarengatik markatua agertzen da, Europar Banku Zentrala eta beste europar ekoizle batzuk.

Historikoki, inprimaketa kalkografikoa faltsutzeko zailena izan da. Teknika hau bineta nagusia eta dekorazio orlak estanpatzeko erabiltzen da, inprimaketa tipografiko eta litografikoekin nahastuz billeteko beste zatietan. Jatorrizko grabatuaren ekoizpen metodoak asko hobetu dira urteekin, nahiz eta grabatzailearen irudia oraindik ere erabakitzailea izaten jarraitzen duen.

Billetearen segurtasuna sendotzeko beste elementu batzuk erabiltzen dira, esaterako ur markak, tintak, zuntzexkak, hariak eta harizpiak.

Billete bakoitzak omenaldi bat eskaini nahi izan dio gertaera bereizgarri bati, pertsonaia ospetsu bati, arte lan bikain bati. Billeteen aurrealde eta atzealdeetan gertaera desberdinak irudikatu dira, herrialdearen sentimendu leial, kultura eta arte espresioa islatuz, hauen artean erregeak, margolariak, idazleak, zientzialariak, monumentuak, literatura pasarteak edo Ameriketako Aurkikuntza.