Tacógrafo dixital
Tacógrafo dixital
En colaboración co Ministerio de Fomento, a FNMT-RCM desenvolveu un sistema de control para vehículos de transporte por estrada.
Este sistema permite asegurar o control sobre o cumprimento da normativa vixente sobre tempos máximos de condución e velocidade, incrementando a seguridade viaria e mellorando a xestión.
Seguridade avanzada
Este sistema de control está a ser implantado en todos os países que forman parte da Unión Europea e consiste nun aparello electrónico instalado nos vehículos que rexistra a distancia percorrida, a velocidade empregada, os tempos de condución e de descanso.
Este aparello transfire os datos a unha tarxeta con chip que almacena a información que xera o condutor sobre a súa actividade profesional. Tamén as autoridades encargadas do control, a empresa propietaria dos vehículos e os talleres de control encargados de verificar o funcionamento dos equipos, contan coa súa propia tarxeta.
Ademais, esta tarxeta conta cunha serie de medidas de seguridade para evitar a súa manipulación, como a impresión de tintas ultravioleta, microimpresión, tintas OVI e impresión en iris.
